Bus-stop Wali Ladki

Woh baat thi uss shaam ki
Woh shaam thi ek barsaat ki
Woh baat thi uss bus-stop wali ladki ki...

Jiski aankhon ka kajal tha bikhra huya
Jiske aankhon mei dekhte hi ek dard bhari kahani chupe rehne ka ehsaas huya...
Gaur se dekha usko toh dupatte se chupane lagi apne badan ke chot ko....
Waqt beet raha tha
Aur kuch sawalon ka paudha dimaag mei yun palne laga tha....

Aakhir Kya wajah thi
Uske aankhon ke num hone ka???
Aakhir Kya wajah thi
Uske badan pe aaye huye chot ka???
Aakhir kisne kaat diya woh khushiyon ka dor iss nanhi si chidiya ke zindagi se???

Iss baat ko guzre barso ho gye...
Lekin aaj bhi har barsaat ki shaamein woh num si aankhon ki yaad dilati hai.....
Aur sath hi sath un sawalon ke jawabon ka nahi mil pane ka afsos bhi mehsoos krwa k jaati hai.....