Kuch Pal Theher Jao

Baatein toh abhi bhi baaki hai

Bas tumhare saath kuch pal aur guzaarne hai….

Tum kuch pal aur theher jao

Aur ek sath unn jugnuo ko timtimate

           Huye dekhte hai….

Tum kuch pal aur theher jao

Raat bas khatam hone hi wali hai

Iss nayi subah ke suraj ki kirno ko

           Ek saath mehsoos karte hai….

     Tum kuchh pal aur theher jao

Aur unn purane geeton ko 
         Ek saath gungunate hai….


   Tum kuch pal aur theher jao
Taki tum mere bachpane se
       Roobaroo ho sako….

    Tum kuch pal aur theher jao

Aur chalo aaj ek saath bahar
     Unn chidiyon ke gunj ko sunte hai….

   Tum kuch pal aur theher jao
Kyuki iss lamhe ko

    Guzarne dena nahi chahti mai….

   Meri  dil ki baton ki chabi mai
Tumhare hathon mei thama du  
  Bas tum kuch pal aur theher jao….